Атамбаев: Кумтөр ыплас саясий оюндардын предмети болбошу керек

339 кароо Президент 0

Бишкек, 12.09.17 /Кабар/. Кыргыз Республикасынын Президенти Алмазбек Атамбаев бүгүн, 12-сентябрда, премьер-министр Сапар Исаков менен жолукту. Бул тууралуу президенттин аппаратынын маалыматтык саясат бөлүмү билдирди.

Жолугушууда өкмөт башчысы канадалык «Центерра Голд Инк» компаниясы менен сүйлөшүүлөрдүн жыйынтыктары жана курчап турган айлана-чөйрөнү коргоо жана инвестицияларды өнүктүрүү боюнча кол коюлган Стратегиялык келишим тууралуу президентке маалымат берди.

Сапар Исаковдун сөзү боюнча Өкмөт менен канадалык «Центерра Голд Инк» компаниясынын ортосундагы сүйлөшүүлөрдүн жыйынтыгында «Кумтөр» долбоору боюнча экологиялык кырдаалды жакшыртуу үчүн шарттар түзүлүүдө жана экологиялык талаш-тартыштарды жөнгө салуу жөнүндө макулдашууларга жетишишти.

«Жаңы келишимге кол коюунун түз жана кыйыр экономикалык натыйжасы 200 млн. АКШ долларынан ашат» - деди премьер-министр Сапар Исаков.

«Кумтөр» долбоору боюнча улуттук кызыкчылыктарды коргоонун маанисин белгилеп, Президент Алмазбек Атамбаев сүйлөшүүлөрдүн жыйынтыктары Кумтөрдөгү экологиялык абалды жакшыртууга эки тарап тең умтулуп жаткандыгынын далили экендигин билдирди.

«Өкмөт Кумтөр ыплас саясый оюндардын предметине жана туруксуздуктун факторуна айланбастан, мамлекеттин жана анын жарандарынын кызыкчылыктарына натыйжалуу иштеген чыныгы экономикалык долбоор болушуна жетишүүгө тийиш», -деди Алмазбек Атамбаев.

Пикир

Оставить комментарий